All 1330 kurals by Thiruvalluvar in 133 chapters, with the Tamil meaning by Dr. Mu. Varadarasanar and an English explanation. Press 🔊 to hear any kural.
Impartiality · Natuvu Nilaimai · Kurals 111–120
தகுதி எனவொன்று நன்றே பகுதியால்
பாற்பட்டு ஒழுகப் பெறின்.
Thakudhi Enavondru Nandre Pakudhiyaal / Paarpattu Ozhukap Perin
அந்தந்தப் பகுதிதோறும் முறையோடு பொருந்தி ஒழுகப்பெற்றால், நடுவுநிலைமை என்று கூறப்படும் அறம் நன்மையாகும்.
That equity which consists in acting with equal regard to each of (the three) divisions of men [enemies, strangers and friends] is a pre-eminent virtue
செப்பம் உடையவன் ஆக்கஞ் சிதைவின்றி
எச்சத்திற் கேமாப்பு உடைத்து.
Seppam Utaiyavan Aakkanj Chidhaivindri / Echchaththir Kemaappu Utaiththu
நடுவுநிலைமை உடையவனின் செல்வவளம் அழிவில்லாமல் அவனுடைய வழியில் உள்ளார்க்கும் உறுதியான நன்மை தருவதாகும்.
The wealth of the man of rectitude will not perish, but will bring happiness also to his posterity
நன்றே தரினும் நடுவிகந்தாம் ஆக்கத்தை
அன்றே யொழிய விடல்.
Nandre Tharinum Natuvikandhaam Aakkaththai / Andre Yozhiya Vital
தீமை பயக்காமல் நன்மையே தருவதானாலும் நடுவு நிலைமை தவறி உண்டாகும் ஆக்கத்தை அப்போதே கைவிட வேண்டும்.
Forsake in the very moment (of acquisition) that gain which, though it should bring advantage, is without equity
தக்கார் தகவிலர் என்பது அவரவர்
எச்சத்தாற் காணப்ப படும்.
Thakkaar Thakavilar Enpadhu Avaravar / Echchaththaar Kaanap Patum
நடுவுநிலைமை உடையவர் நடுவுநிலைமை இல்லாதவர் என்பது அவரவர்க்குப் பின் எஞ்சி நிற்கும் புகழாலும் பழியாலும் காணப்படும்.
The worthy and unworthy may be known by the existence or otherwise of good offsprings
கேடும் பெருக்கமும் இல்லல்ல நெஞ்சத்துக்
கோடாமை சான்றோர்க் கணி.
Ketum Perukkamum Illalla Nenjaththuk / Kotaamai Saandrork Kani
கேடும் ஆக்கமும் வாழ்வில் இல்லாதவை அல்ல; ஆகையால் நெஞ்சில் நடுவுநிலைமை தவறாமல் இருத்தலே சான்றோர்க்கு அழகாகும்.
Loss and gain come not without cause; it is the ornament of the wise to preserve evenness of mind (under both)
கெடுவல்யான் என்பது அறிகதன் நெஞ்சம்
நடுவொரீஇ அல்ல செயின்.
Ketuvalyaan Enpadhu Arikadhan Nenjam / Natuvoreei Alla Seyin
தன் நெஞ்சம் நடுவுநிலை நீங்கித் தவறு செய்ய நினைக்குமாயின், நான் கெடப்போகின்றேன் என்று ஒருவன் அறிய வேண்டும்.
Let him whose mind departing from equity commits sin well consider thus within himself, "I shall perish."
கெடுவாக வையாது உலகம் நடுவாக
நன்றிக்கண் தங்கியான் தாழ்வு.
Ketuvaaka Vaiyaadhu Ulakam Natuvaaka / Nandrikkan Thangiyaan Thaazhvu
நடுவுநிலைமை நின்று அறநெறியில் நிலைத்து வாழகின்றவன் அடைந்த வறுமை நிலையைக் கேடு என கொள்ளாது உலகு.
The great will not regard as poverty the low estate of that man who dwells in the virtue of equity
சமன்செய்து சீர்தூக்குங் கோல்போல் அமைந்தொருபால்
கோடாமை சான்றோர்க் கணி.
Samanseydhu Seerdhookkung Kolpol Amaindhorupaal / Kotaamai Saandrork Kani
முன்னே தான் சமமாக இருந்து, பின்பு பொருளைச் சீர்தூக்கும் துலாக்கோல் போல் அமைந்து, ஒரு பக்கமாக சாயாமல் நடுவுநிலைமை போற்றுவது சான்றோர்க்கு அழகாகும்.
To incline to neither side, but to rest impartial as the even-fixed scale is the ornament of the wise
சொற்கோட்டம் இல்லது செப்பம் ஒருதலையா
உட்கோட்டம் இன்மை பெறின்.
Sorkottam Illadhu Seppam Orudhalaiyaa / Utkottam Inmai Perin
உள்ளத்தில் கோணுதல் இல்லாத தன்மையை உறுதியாகப் பெற்றால், சொல்லிலும் கோணுதல் இல்லாதிருத்தல் நடுவுநிலைமையாம்.
Freedom from obliquity of speech is rectitude, if there be (corresponding) freedom from bias of mind
வாணிகம் செய்வார்க்கு வாணிகம் பேணிப்
பிறவும் தமபோல் செயின்.
Vaanikam Seyvaarkku Vaanikam Penip / Piravum Thamapol Seyin
பிறர் பொருளையும் தம் பொருள் போல் போற்றிச் செய்தால், அதுவே வாணிகம் செய்வோர்க்கு உரிய நல்ல வாணிக முறையாகும்.
The true merchandize of merchants is to guard and do by the things of others as they do by their own
Kurals: Thiruvalluvar. Tamil meaning: Dr. Mu. Varadarasanar. Data: tk120404/thirukkural (Apache-2.0).