All 1330 kurals by Thiruvalluvar in 133 chapters, with the Tamil meaning by Dr. Mu. Varadarasanar and an English explanation. Press 🔊 to hear any kural.
Knowing the fitting Time · Kaalamaridhal · Kurals 481–490
பகல்வெல்லும் கூகையைக் காக்கை இகல்வெல்லும்
வேந்தர்க்கு வேண்டும் பொழுது.
Pakalvellum Kookaiyaik Kaakkai Ikalvellum / Vendharkku Ventum Pozhudhu
காக்கை தன்னைவிட வலிய கோட்டானைப் பகலில் வென்றுவிடும், அதுபோல் பகையை வெல்லக்கருதும் அரசர்க்கும் அதற்கு ஏற்ற காலம் வேண்டும்.
A crow will overcome an owl in the day time; so the king who would conquer his enemy must have (a suitable) time
பருவத்தோடு ஒட்ட ஒழுகல் திருவினைத்
தீராமை ஆர்க்குங் கயிறு.
Paruvaththotu Otta Ozhukal Thiruvinaith / Theeraamai Aarkkung Kayiru
காலத்தோடுப் பொருந்துமாறு ஆராய்ந்து நடத்தல் ( நில்லாத இயல்பு உடைய) செல்வத்தை நீங்காமல் நிற்குமாறு கட்டும் கயிறாகும்.
Acting at the right season, is a cord that will immoveably bind success (to a king)
அருவினை யென்ப உளவோ கருவியான்
காலம் அறந்து செயின்.
Aruvinai Yenpa Ulavo Karuviyaan / Kaalam Arindhu Seyin
(செய்யும் செயலை முடிப்பதற்கு வேண்டிய) கருவிகளுடன் ஏற்றக் காலத்தையும் அறிந்து செய்தால் அரிய செயல்கள் என்பது உண்டோ.
Is there anything difficult for him to do, who acts, with (the right) instruments at the right time ?
ஞாலம் கருதினுங் கைகூடுங் காலம்
கருதி இடத்தாற் செயின்.
Gnaalam Karudhinung Kaikootung Kaalam / Karudhi Itaththaar Seyin
(செயலை முடிப்பதற்கு ஏற்ற) காலத்தை அறிந்து இடத்தோடு பொருந்துமாறு செய்தால், உலகமே வேண்டும் எனக் கருதினாலும் கைகூடும்.
Though (a man) should meditate (the conquest of) the world, he may accomplish it if he acts in the right time, and at the right place
காலம் கருதி இருப்பர் கலங்காது
ஞாலம் கருது பவர்.
Kaalam Karudhi Iruppar Kalangaadhu / Gnaalam Karudhu Pavar
உலகத்தைக் கொள்ளக் கருதிகின்றவர் அதைப்பற்றி எண்ணிக் கலங்காமல் அதற்கு ஏற்ற காலத்தைக் கருதிக்கொண்டு பொறுத்திருப்பர்.
They who thoughtfully consider and wait for the (right) time (for action), may successfully meditate (the conquest of) the world
ஊக்க முடையான் ஒடுக்கம் பொருதகர்
தாக்கற்குப் பேருந் தகைத்து.
Ookka Mutaiyaan Otukkam Porudhakar / Thaakkarkup Perun Thakaiththu
ஊக்கம் மிகுந்தவன் (காலத்தை எதிர்பார்த்து) அடங்கியிருத்தல் போர் செய்யும் ஆட்டுக்கடா தன் பகையைத் தாக்குவதற்க்காகப் பின்னே கால் வாங்குதலைப் போன்றது.
The self-restraint of the energetic (while waiting for a suitable opportunity), is like the drawing back of a fighting-ram in order to butt
பொள்ளென ஆங்கே புறம்வேரார் காலம்பார்த்து
உள்வேர்ப்பர் ஒள்ளி யவர்.
Pollena Aange Puramveraar Kaalampaarththu / Ulverppar Olli Yavar
அறிவுடையவர் ( பகைவர் தீங்கு செய்த) அப்பொழுதே உடனே புறத்தில் சினம் கொள்ளமாட்டார், (வெல்வதற்கு ஏற்ற) காலம் பார்த்து அகத்தில் சினம் கொள்வார்.
The wise will not immediately and hastily shew out their anger; they will watch their time, and restrain it within
செறுநரைக் காணின் சுமக்க இறுவரை
காணின் கிழக்காம் தலை.
Serunaraik Kaanin Sumakka Iruvarai / Kaanin Kizhakkaam Thalai
பகைவரைக் கண்டால் பொறுத்துச் செல்லவேண்டும், அப் பகைவர்க்கு முடிவுகாலம் வந்த போது அவருடைய தலை கீழே விழும்.
If one meets his enemy, let him show him all respect, until the time for his destruction is come; when that is come, his head will be easily brought low
எய்தற் கரியது இயைந்தக்கால் அந்நிலையே
செய்தற் கரிய செயல்.
Eydhar Kariyadhu Iyaindhakkaal Annilaiye / Seydhar Kariya Seyal
கிடைத்தற்கறிய காலம் வந்து வாய்க்குமானால், அந்த வாய்ப்பைப் பயன்படுத்திக் கொண்டு அப்போதே செய்தற்கரியச் செயல்களைச் செய்ய வேண்டும்.
If a rare opportunity occurs, while it lasts, let a man do that which is rarely to be accomplished (but for such an opportunity)
கொக்கொக்க கூம்பும் பருவத்து மற்றதன்
குத்தொக்க சீர்த்த இடத்து.
Kokkokka Koompum Paruvaththu Matradhan / Kuththokka Seerththa Itaththu
பொறுத்திருக்கும் காலத்தில் கொக்குப் போல் அமைதியாக இருக்க வேண்டும், காலம் வாய்த்த போது அதன் குத்து போல் தவறாமல் செய்து முடிக்க வேண்டும்.
At the time when one should use self-control, let him restrain himself like a heron; and, let him like it, strike, when there is a favourable opportunity
Kurals: Thiruvalluvar. Tamil meaning: Dr. Mu. Varadarasanar. Data: tk120404/thirukkural (Apache-2.0).