All 1330 kurals by Thiruvalluvar in 133 chapters, with the Tamil meaning by Dr. Mu. Varadarasanar and an English explanation. Press 🔊 to hear any kural.
The Land · Naatu · Kurals 731–740
தள்ளா விளையுளும் தக்காரும் தாழ்விலாச்
செல்வரும் சேர்வது நாடு.
Thallaa Vilaiyulum Thakkaarum Thaazhvilaach / Chelvarum Servadhu Naatu
குறையாத விளைபொருளும் தக்க அறிஞரும் கேடில்லாத செல்வம் உடையவரும் கூடிப் பொருந்தியுள்ள நாடே நாடாகும்.
A kingdom is that in which (those who carry on) a complete cultivation, virtuous persons, and
பெரும்பொருளால் பெட்டக்க தாகி அருங்கேட்டால்
ஆற்ற விளைவது நாடு.
Perumporulaal Pettakka Thaaki Arungettaal / Aatra Vilaivadhu Naatu
மிக்க பொருள் வளம் உடையதாய், எல்லோரும் விரும்பத்தக்கதாய் கேடு இல்லாததாய், மிகுதியாக விளைபொருள் தருவதே நாடாகும்.
A kingdom is that which is desire for its immense wealth, and which grows greatly in prosperity, being free from destructive causes
பொறையொருங்கு மேல்வருங்கால் தாங்கி இறைவற்கு
இறையொருங்கு நேர்வது நாடு.
Poraiyorungu Melvarungaal Thaangi Iraivarku / Iraiyorungu Nervadhu Naatu
(மற்ற நாட்டு மக்கள் குடியேறுவதால்) சுமை ஒரு சேரத் தன் மேல் வரும் போது தாங்கி, அரசனுக்கு இறைபொருள் முழுதும் தர வல்லது நாடாகும்.
A kingdom is that which can bear any burden that may be pressed on it (from adjoining kingdoms) and (yet) pay the full tribute to its sovereign
உறுபசியும் ஓவாப் பிணியும் செறுபகையும்
சேரா தியல்வது நாடு.
Urupasiyum Ovaap Piniyum Serupakaiyum / Seraa Thiyalvadhu Naatu
மிக்க பசியும், ஓயாத நோயும் (வெளியே வந்து தாக்கி) அழிவு செய்யும் பகையும் தன்னிடம் சேராமல் நல்ல வகையில் நடைபெறுவதே நாடாகும்.
A kingdom is that which continues to be free from excessive starvation, irremediable epidemics, and destructive foes
பல்குழுவும் பாழ்செய்யும் உட்பகையும் வேந்தலைக்கும்
கொல்குறும்பும் இல்லது நாடு.
Palkuzhuvum Paazhseyyum Utpakaiyum Vendhalaikkum / Kolkurumpum Illadhu Naatu
பல வகை மாறுபடும் கூட்டங்களும், உடனிருந்தே அழிவு செய்யும் பகையும், அரசனை வருத்துகின்ற கொலைத் தொழில் பொருந்திய குறுநில மன்னரும் இல்லாதது நாடு.
A kingdom is that which is without various (irregular) associations, destructive internal enemies, and murderous savages who (sometimes) harass the sovereign
கேடறியாக் கெட்ட இடத்தும் வளங்குன்றா
நாடென்ப நாட்டின் தலை.
Ketariyaak Ketta Itaththum Valangundraa / Naatenpa Naattin Thalai
பகைவரால் கெடுக்கப் படாததாய், கெட்டுவிட்ட காலத்திலும் வளம் குன்றாததாய் உள்ள நாடே நாடுகள் எல்லாவற்றிலும் தலைமையானது என்று கூறுவர்.
The learned say that the best kingdom is that which knows no evil (from its foes), and, if injured (at all), suffers no diminution in its fruitfulness
இருபுனலும் வாய்ந்த மலையும் வருபுனலும்
வல்லரணும் நாட்டிற்கு உறுப்பு.
Irupunalum Vaaindha Malaiyum Varupunalum / Vallaranum Naattirku Uruppu
ஊற்றும் மழையும் மாகிய இருவகை நீர்வளமும், தக்கவாறு அமைந்த மலையும் அந்த மலையிலிருந்து ஆறாக வரும் நீர் வளமும் வலிய அரணும் நாட்டிற்கு உறுப்புகளாகும்.
The constituents of a kingdom are the two waters (from above and below), well situated hills and an undestructible fort
பிணியின்மை செல்வம் விளைவின்பம் ஏமம்
அணியென்ப நாட்டிவ் வைந்து.
Piniyinmai Selvam Vilaivinpam Emam / Aniyenpa Naattiv Vaindhu
நோயில்லாதிருத்தல், செல்வம், விளை பொருள், வளம், இன்பவாழ்வு, நல்ல காவல் இந்த ஐந்தும் நாட்டிற்கு அழகு என்று கூறுவர்.
Freedom from epidemics, wealth, produce, happiness and protection (to subjects); these five, the learned, say, are the ornaments of a kingdom
நாடென்ப நாடா வளத்தன நாடல்ல
நாட வளந்தரு நாடு.
Naatenpa Naataa Valaththana Naatalla / Naata Valandharu Naatu
முயற்சி செய்து தேடாமலேயே தரும் வளத்தை உடைய நாடுகளைச் சிறந்த நாடுகள் என்று கூறுவர், தேடிமுயன்றால் வளம் தரும் நாடுகள் சிறந்த நாடுகள் அல்ல.
The learned say that those are kingdom whose wealth is not laboured for, and those not, whose wealth is only obtained through labour
ஆங்கமை வெய்தியக் கண்ணும் பயமின்றே
வேந்தமை வில்லாத நாடு.
Aangamai Veydhiyak Kannum Payamindre / Vendhamai Villaadha Naatu
நல்ல அரசன் பொருந்தாத நாடு, மேற்சொன்ன நன்மைகள் எல்லாம் அமைதிருந்த போதிலும் அவற்றால் பயன் இல்லாமல் போகும்.
Although in possession of all the above mentioned excellences, these are indeed of no use to a country, in the absence of harmony between the sovereign and the sujects
Kurals: Thiruvalluvar. Tamil meaning: Dr. Mu. Varadarasanar. Data: tk120404/thirukkural (Apache-2.0).