All 1330 kurals by Thiruvalluvar in 133 chapters, with the Tamil meaning by Dr. Mu. Varadarasanar and an English explanation. Press 🔊 to hear any kural.
The Possession of Love · Anputaimai · Kurals 71–80
அன்பிற்கும் உண்டோ அடைக்குந்தாழ் ஆர்வலர்
புன்கணீர் பூசல் தரும்.
Anpirkum Unto Ataikkundhaazh Aarvalar / Punkaneer Poosal Tharum
அன்புக்கும் அடைத்து வைக்கும் தாழ் உண்டோ? அன்புடையவரின் சிறு கண்ணீரே ( உள்ளே இருக்கும் அன்பைப் ) பலரும் அறிய வெளிப்படுத்திவிடும்
Is there any fastening that can shut in love ? Tears of the affectionate will publish the love that is within
அன்பிலார் எல்லாம் தமக்குரியர் அன்புடையார்
என்பும் உரியர் பிறர்க்கு.
Anpilaar Ellaam Thamakkuriyar Anputaiyaar / Enpum Uriyar Pirarkku
அன்பு இல்லாதவர் எல்லாப்பொருள்களையும் தமக்கே உரிமையாகக் கொண்டு வாழ்வார்: அன்பு உடையவர் தம் உடமையும் பிறர்க்கு உரிமையாக்கி வாழ்வர்
Those who are destitute of love appropriate all they have to themselves; but those who possess love consider even their bones to belong to others
அன்போடு இயைந்த வழக்கென்ப ஆருயிர்க்கு
என்போடு இயைந்த தொடர்பு.
Anpotu Iyaindha Vazhakkenpa Aaruyirkku / Enpotu Iyaindha Thotarpu
அருமையான உயிர்க்கு உடம்போடு பொருந்தி இருக்கின்ற உறவு, அன்போடு பொருந்தி வாழும் வாழ்க்கையின் பயன்என்று கூறுவர்.
They say that the union of soul and body in man is the fruit of the union of love and virtue (in a former birth)
அன்புஈனும் ஆர்வம் உடைமை அதுஈனும்
நண்பு என்னும் நாடாச் சிறப்பு.
Anpu Eenum Aarvam Utaimai / Adhueenum Nanpu Ennum Naataach
அன்பு பிறரிடம் விருப்பம் உடையவராக வாழும் தன்மையைத் தரும்: அஃது எல்லாரிடத்தும் நட்பு என்றுசொல்லப்படும் அளவற்ற சிறப்பைத் தரும்
Love begets desire: and that (desire) begets the immeasureable excellence of friendship
அன்புற்று அமர்ந்த வழக்கென்ப வையகத்து
இன்புற்றார் எய்தும் சிறப்பு.
Anputru Amarndha Vazhakkenpa Vaiyakaththu / Inputraar Eydhum Sirappu
உலகத்தில் இன்பம் உற்று வாழ்கின்றவர் அடையும் சிறப்பு, அன்பு உடையவராகிப் பொருந்தி வாழும் வாழ்கையின் பயன் என்று கூறுவர்
These are the fruits of tranquil life of love
அறத்திற்கே அன்புசார் பென்ப அறியார்
மறத்திற்கும் அஃதே துணை.
Araththirke Anpusaar Penpa Ariyaar / Maraththirkum Aqdhe Thunai
அறியாதவர், அறத்திற்கு மட்டுமே அன்பு துணையாகும் என்று கூறுவர்:ஆராய்ந்து பார்த்தால் வீரத்திற்க்கும் அதுவே துணையாக நிற்கின்றது
The ignorant say that love is an ally to virtue only, but it is also a help to get out of vice
என்பி லதனை வெயில்போலக் காயுமே
அன்பி லதனை அறம்.
Enpi Ladhanai Veyilpolak Kaayume / Anpi Ladhanai Aram
எலும்பு இல்லாத உடம்போடு வாழும் புழுவை வெயில் காய்ந்து வருத்துவது போல் அன்பு இல்லாத உயிரை அறம் வருத்தும்.
Virtue will burn up the soul which is without love, even as the sun burns up the creature which is without bone, ie worms
அன்பகத் தில்லா உயிர்வாழ்க்கை வன்பாற்கண்
வற்றல் மரந்தளிர்த் தற்று.
Anpakath Thillaa Uyirvaazhkkai Vanpaarkan / Vatral Marandhalirth Thatru
அகத்தில் அன்பு இல்லாமல் வாழும் உயிர் வாழக்கை வளமற்ற பாலைநிலத்தில் பட்டமரம் தளிர்த்தாற் போன்றது.
The domestic state of that man whose mind is without love is like the flourishing of a withered tree upon the parched desert
புறத்துறுப் பெல்லாம் எவன்செய்யும் யாக்கை
அகத்துறுப்பு அன்பி லவர்க்கு.
Puraththurup Pellaam Evanseyyum Yaakkai / Akaththuruppu Anpi Lavarkku
உடம்பின் அகத்து உறுப்பாகிய அன்பு இல்லாதவர்க்கு உடம்பின் புறத்து உறுப்புக்கள் எல்லாம் என்ன பயன் செய்யும்.
Of what avail are all the external members (of the body) to those who are destitute of love, the internal member
அன்பின் வழியது உயிர்நிலை அஃதிலார்க்கு
என்புதோல் போர்த்த உடம்பு.
Anpin Vazhiyadhu Uyirnilai Aqdhilaarkku / Enpudhol Porththa Utampu
அன்பின் வழியில் இயங்கும் உடம்பே உயிர்நின்ற உடம்பாகும்: அன்பு இல்லாதவர்க்கு உள்ள உடம்பு எலும்பைத் தோல்போர்த்த வெற்றுடம்பே ஆகும்
That body alone which is inspired with love contains a living soul: if void of it, (the body) is bone overlaid with skin
Kurals: Thiruvalluvar. Tamil meaning: Dr. Mu. Varadarasanar. Data: tk120404/thirukkural (Apache-2.0).